اسلام آباد:وزیر اعظم عمران خان روس یوکرین تنازع کے پیش نظر آج شام قوم سے خطاب کریں گے۔

وزیراعظم عمران خان کا قوم سے خطاب شام میں سرکاری ٹی وی سے نشر کیا جائے گا۔

وفاقی وزیر اطلاعات ونشریات فوادچوہدری نے سماجی رابطے کی ویب سائٹ ٹوئٹر پر اپنے ٹویٹ میں کہا کہ وزیر اعظم عمران خان آج شام قوم سے خطاب کریں گے۔

وزیر اعظم عمران خان آج شام قوم سے خطاب کریں گے، وزیر اعظم روس اور یوکرائین تنازعے کے بعد معیشت اور عالمی چیلنجز پر قوم کو اعتماد میں لیں گے

— Ch Fawad Hussain (@fawadchaudhry) February 28, 2022

فواد چوہدری نےمزید کہا کہ وزیراعظم روس اوریوکرین تنازع کے بعد معیشت اور عالمی چیلنجز پر قوم کواعتماد میں لیں گے۔

خطاب سے قبل وزیراعظم عمران خان معاشی ٹیم کے اجلاس کی صدارت بھی کریں گے، جس میں ملکی معاشی صورتحال اور ممکنہ اثرات کا جائزہ لیا جائے گا، معاشی ٹیم وزیراعظم کو موجودہ صورتحال پر بریفنگ دے گی۔