تہران: ایران نے سابق امریکی وزیر خارجہ مائیک پومپیو سمیت مزید 61 امریکی شخصیات پر پابندی عائد کردی۔

سابق امریکی صدر ڈونلڈ ٹرمپ کے وکیل روڈی جولیانی اور سابق قومی سلامتی کے مشیر جان بولٹن پر بھی پابندی لگائی گئی ہے۔

ایرانی حکام کو ان افراد اور کمپینوں کے اثاثے ضبط کرنے کی اجازت دے دی گئی۔

ایرانی وزارت خارجہ نے اپنے بیان میں کہا کہ امریکا ایران مخالف مجاہدینِ خلق کو سپورٹ کرتا ہے۔

واضح رہے کہ ایران اور امریکا کے درمیان 2015 کے جوہری معاہدے کی بحالی سے متعلق بات چیت کئی ماہ سے تعطل کا شکار ہے۔