افغان حکومت اور طالبان کے نمائندے ایران کی میزبانی میں منعقد ہونے والے مذاکرات میں شرکت کی غرض سے تہران پہنچ گئے۔

ایرانی دفترِخارجہ سے جاری ہونے والے ایک بیان کے مطابق دونوں فریقین کے مابین مذاکرات کا عمل ایرانی وزیرِخارجہ جواد ظریف کے خطاب سے شروع ہوا۔

جوادظریف نے خطاب کرتےہوئےکہاافغان عوام اور سیاسی سربراہان کو آج اپنے ملک کے مستقبل کےلئےاہم فیصلے کرنے چاہیئں۔ ہم افغان گروہوں کے مابین درپیش بحران کے خاتمے کےلئے اپنا تعاون فراہم کرنے کےلئے تیار ہیں۔

غیرملکی خبررساں ادارےکے مطابق افغان حکومتی وفد کی نمائندگی سابق وزیرِخارجہ یونس قانونی جبکہ طالبان وفد کی نمائندگی شیر محمد عباس استنکزئی کر رہے ہیں۔