آکٹوپس کے بازوؤں کی مضبوط گرفت سے متاثر ہوکر انجینئرز نے پانی میں کسی بھی شے پر گرفت برقرار رکھنے والا دستانہ تیار کیا ہے۔
یہ انوکھا دستانہ ورجینیا ٹیک کے اسسٹنٹ پروفیسر مائیکل بارٹلیٹ کی سربراہی میں محققین کی ایک ٹیم نے تیار کیا ہے۔
تیارکردہ دستانے کا نام ‘اوکٹا-گلوو’ ہے، جو زیرِ آب اشیاء پر گرفت کو سخت بناتا ہے۔
واضح رہے کہ آبی مخلوق آکٹوپس کے بازوؤں میں غدود تیزی کے ساتھ فعال ہوتے ہیں، جومضبوط گرفت فراہم کرتے ہیں۔
آکٹوپس اپنے بازوؤں کی مضبوطی کی وجہ سے کسی بھی شے کو اس طرح پکڑتے ہیں کہ انہیں چھڑایا جانا مشکل ہوتا ہے۔
