آل پاکستان ٹیکسٹائل ملز ایسوسی ایشن (اپٹما) نے وزیراعظم شہباز شریف کو خط لکھ دیا۔

اپٹما کی جانب سے وزیراعظم کو لکھے گئے خط میں کہا گیا ہے کہ ٹیکسٹائل سیکٹر کو رعایتی نرخوں پر بجلی اور گیس کی مدت 30 جون کو ختم ہو رہی ہے۔

خط کے متن میں لکھا گیا کہ ایسوسی ایشن نے حکومت کے ساتھ توانائی کی قیمتوں پر کئی اجلاس کیے، ٹیکسٹائل انڈسٹری برآمدی آرڈر بک نہیں کر رہی اس صنعت کے لئے توانائی کی قیمتوں کی صورتحال غیر یقینی ہے۔

انہوں نے وزیراعظم سے مطالبہ کیا کہ ملکی برآمدات کو بڑھانا بہت ضروری ہے اس لئے ٹیکسٹائل سیکٹر کے لئے 30 جون سے قبل بجلی و گیس کی قیمتوں کا اعلان کیا جائے اور علاقائی ممالک کی نرخ پر توانائی کی فراہمی جاری رکھی جائے۔