معروف پاکستانی اداکارہ حنا خواجہ بیات کی جانب سے مسلم لیگ نون کی نائب صدر مریم نواز کو شدید تنقید کا نشانہ بناتے ہوئے کہا کہ مریم نواز صاحبہ نے مجھے ایسا کہنے پر مجبور کردیا۔

اداکارہ حنا خواجہ بیات نے انسٹاگرام پر جاری اپنے ویڈیو پیغام میں کہا کہ میں نے کبھی کسی شخصیت کے لیے سخت الفاظ استعمال نہیں کیے اور نہ کبھی ایسا چاہا لیکن مریم نواز صاحبہ نے مجھے ایسا کہنا ہے کہنے پر مجبور کردیا ہے کہ آپ کے منہ میں خاک!

پاکستانی اداکارہ نے کہا کہ اللّٰہ نہ کرے بقول آپ کے کہ پاکستانی طیارہ کبھی بھی اُس پُرانے پاکستان میں اُترے جیسا پاکستان آپ اور آپ کی اتحادی جماعتوں نے بنایا تھا۔

انہوں نے کہا کہ اللّٰہ تعالیٰ! ہمارے ملک کو دشمنوں سے محفوظ رکھے، ہماری پاک فوج کی حفاظت کرے اور ان حکمرانوں کی بھی حفاظت کرے جو محب وطن ہیں، اللّٰہ ہمارا حامی و ناصر ہو۔

حنا خواجہ بیات نے مزید کہا کہ یہ پاکستانی کی اپنے وطن کے لیے دل سے دُعا ہے۔