بھارتی فلمساز گریش ملک نے 18 مارچ کو ہولی کے موقع پر اپنے 17 سالہ بیٹے منان کو کھو دیا۔

ٹائمز آف انڈیا کی ایک رپورٹ کے مطابق کہا جارہا ہے کہ منان کی خودکشی اس وقت ہوئی جب اس کے والد نے اسے شراب پینے سے روکنے کو کہا تھا۔

ٹائمز آف انڈیا کی ایک رپورٹ کے مطابق، گریش کا بیٹا منان ہولی کھیل کے بعد دوپہر کو گھر واپس آئے، جس کے بعد وہ اوبرائے اسپرنگس، ممبئی میں واقع اپنی عمارت کی پانچویں منزل سے گر گئے۔

تاہم منان کو فوری طور پر کوکیلا بین امبانی اسپتال لے جایا گیا،جہاں وہ جان کی بازی ہار گئے۔

ای ٹائمز نے اب پولیس سے تصدیق کی ہے کہ گریش ملک کے بیٹے نے عمارت سے جان بوجھ کر چھلانگ لگائی، یہ خودکشی کا معاملہ تھا۔

اس کے علاوہ پوسٹ مارٹم آج 20 مارچ کو سدھارتھ اسپتال میں کیا گیا اور آخری رسومات دہلی میں کی جائیں گی۔