پشاور سمیت خیبر پختونخوا کے مختلف اضلاع میں زلزلے کے جھٹکےمحسوس کئے گئے ،جس کی شدت 5.3 ریکارڈ کی گئی۔

زلزلہ پیما مرکز کے مطابق پشاور سمیت خیبر پختونخوا کے مختلف اضلاع نوشہرہ ،مردان،مالاکنڈ، سوات، بٹگرام، چترال اور باجوڑ میں زلزلے کے جھٹکے محسوس کئے گئے ۔

زلزلہ پیما مرکز کے مطابق ریکٹر اسکیل پر زلزلے کی شدت 5.3 ریکارڈ کی گئی،زلزلہ180 کلومیٹر گہرائی میں آیا جس کا مرکز پاک افغان سرحدی علاقہ تھا۔

زلزلے کے باعث کسی جانی و مالی نقصان کی اطلاع نہیں ملی تاہم شہری زلزلے کے باعث کلمہ طیبہ کا ورد کرتے ہوئے گھروں سے باہر نکل آئے ۔