پاکستان سپرلیگ سکس میں اسلام آباد یونائیٹڈ کی فتوحات کا سلسلہ جاری ہے، سیزن کے بائیسویں میچ میں کراچی کنگز کو آٹھ وکٹوں سے شکست دے دی۔ شانداربیٹنگ پرافتخاراحمد میچ کے بہترین کھلاڑی قرارپائے۔

اسلام آباد یونائیٹڈ کا ایک اورپاورفل شو ہوا ہے اور کراچی کنگز کوبھی زیرکرلیا، رواں سیزن میں چھٹی کامیابی سمیٹی۔

ابوظبی میں کراچی کنگز نےچاروکٹ پرایک سونوے کا مجموعہ بنایا، بابراعظم نےاکیاسی اورنجیب زدران نے اکہتررنزکا حصہ ڈالا۔

ہدف کےتعاقب میں اسلام آباد کی ابتدائی دووکٹیں اکتالیس رنزپرگرگئیں۔

کولن منرواورافتخاراحمد نے کراچی کنگزکےبولرزکی جم کردھلائی کی، چونتیس کےانفرادی اسکورپرکولن منروکا کیچ ڈراپ کرنا کنگزکومہنگا پڑا۔

اسلام آباد نےہدف آٹھ گیندیں قبل دووکٹوں پرپورا کرلیا، منرو اٹھاسی اورافتخاراکہتررنز پرناقابل شکست رہے۔