اقوام متحدہ کےسیکریٹری جنرل انتونیو گوتریس نےکہا ہےکہ دنیا کورونا وائرس کے خلاف حالت جنگ میں ہے اوراس عالمی وباء کی روک تھام کےلئے ضروری آلات تک یکساں رسائی کےلئے جنگی حکمت عملی اپنانے پر زور دیا ہے۔

جنیوا میں عالمی ادارہ صحت کےرکن ملکوں کی سالانہ اسمبلی کےافتتاحی اجلاس سے خطاب کرتے ہوئے انہوں نے رکن ملکوں پر زور دیاکہ اس عالمی وباء کو ختم کرنے کےلئے ضروری جرات مندانہ فیصلے کرنے کےلئے آگے بڑھیں۔

انہوں نے کہا کہ موجودہ نظام کوبدلنے کے لئے دنیا کو اعلیٰ ترین سطح پر سیاسی عزم کی ضرورت ہے۔

ریڈیو پاکستان