قومی اسمبلی کے حلقہ این اے 108 کی نشست سے چیئرمین پاکستان تحریک انصاف (پی ٹی آئی) عمران خان کے کاغذات نامزدگی مسترد ہوگئے۔

ضلعی الیکشن کمشنر نے عمران خان کے فیصل آباد این اے 108 سے ضمنی انتخاب میں حصہ لینے سے متعلق کاغذات نامزدگی مسترد کردیئے ہیں۔

ضلعی الیکشن کمشنر کے مطابق اثاثہ جات سے متعلق اعتراضات پر تسلی بخش جواب نہ مہیا کرنے پر عمران خان کے کاغذات مسترد ہوئے ہیں۔

واضح رہے کہ الیکشن کمیشن نے عمران خان کو دستخط اور انگھوٹے کی تصدیق کے لئے ذاتی حیثیت سے طلب کر رکھا تھا۔