مصرکے دارالحکومت قاہرہ میں گرجا گھر میں خوفناک آگ لگنے سے متعدد بچوں سمیت 41 افراد ہلاک اور50 زخمی ہوگئے۔

پولیس کے مطابق ابتدائی تفتیش کے دوران انکشاف ہوا کہ بجلی کے شارٹ سرکٹ کی وجہ سے واقعہ پیش آیا۔

واقعے پروزیرصحت نے اپنے بیان میں کہا کہ آگ لگنے کے باعث بھگدڑ مچی، جس کی وجہ سے ہلاکتوں میں اضافہ ہوا ہے۔

آتشزدگی کا واقعہ مصر میں حالیہ برسوں میں آتشزدگی کے بدترین سانحات میں سے ایک تھا۔

خیال رہے کہ گرجا گھر میں ہفتہ واردعائیہ تقریبات جاری تھیں، جس میں تقریبا پانچ ہزار افراد شریک تھے۔