دنیا کے امیر ترین شخص اور معروف الیکٹرک کار کمپنی ٹیسلا کے بانی ایلون مسک سے ملتے جلتے چہرے کی وائرل ویڈیو سوشل میڈیا کی زینت بن گئی ہے۔

ایک سوشل میڈیا صارف کی جانب سے انسٹاگرام پر ڈھائی ماہ قبل ‘چینی ایلون مسک’ کیپشن کے ساتھ یہ ویڈیو پوسٹ کی گئی تھی جسے تقریباً 16 ملین افراد دیکھ چکے ہیں۔

ویڈیو میں دیکھا جا سکتا ہے کہ ایک چینی نو جوان ٹیسلا کار سے باہر آ کر خود کو ایلون مسک قرار دیتا ہے۔

ویڈیو کو اب تک 10 لاکھ سے زائد لائکس موصول ہوچکے ہیں اور سوشل میڈیا صارفین کی جانب سےتبصروں کی بھر مار بھی کردی گئی ہے۔

واضح رہے کہ یلونگ ما سوشل میڈیا پر کافی مقبول ہیں جن سے ایلون مسک خود ملنے کی خواہش کرچکے ہیں۔