امریکی ڈالر کی قیمت میں کمی کا سلسلہ جاری ہے، جس کے باعث روپے کی قدرمیں اضافہ ہورہا ہے۔

انٹربینک میں ڈالر3 روپے 38 پیسے سستا ہوگیا، جس کے بعد ڈالرکی قیمت 215 روپے 50 پیسے ہوگئی ہے۔

اسٹیٹ بینک آف پاکستان کی ٹویٹ کے مطابق جمعرات کو روپے کی قدرمیں 1.38 فیصد اضافہ ہوا تھا۔

ملک میں سونے کی قیمت میں کمی

ڈالر کی قیمت میں کمی کے بعد سونے کی قیمت میں 1400 سو روپے فی تولہ کمی ہوگئی۔

آل سندھ صرافہ جیولرز ایسوسی ایشن کے مطابق خالص سونے کی قیمت فی تولہ ایک لاکھ 41 ہزار سات سو روپے رہی۔

اس کے علاوہ 10 گرام سونے کی قیمت 1200 سو روپے کی کمی کے بعد ایک لاکھ 41 ہزار چار سو 85 روپے ہوگئی۔