کراچی کے مختلف علاقوں میں تیز اور ہلکی بارش سے موسم خوشگوار ہوگیا جبکہ پانی جمع ہونے سے گلیاں اور سڑکیں تالاب بن گئیں۔

محکمہ موسمیات کی پیشگوئی کے مطابق کراچی میں مون سون کے چوتھے اسپیل کے تحت تیز بارشوں کا سلسلہ شروع ہوگیا۔

شہر قائد کے مختلف علاقوں میں رات گئے ہونے والی تیز بارشوں نے جھل تھل ایک کردیا جبکہ بارش سے موسم خوشگوار ہوگیا اور شہر کی گلیاں پانی جمع ہونے سے سیلابی منظر پیش کرنے لگیں۔

ملیر ، کورنگی، بہادرآباد، گرومندر، نمائش چورنگی ، جمشید روڈ اور ایم اے جناح روڈ میں گرج چمک کے ساتھ طوفانی بارش ہوئی۔

اس کے علاوہ قائدآباد، لانڈھی، شاہ لطیف ٹاؤن، میمن گوٹھ، گلشن حدید سمیت دیگر علاقوں میں بھی تیز بارش ہوئی۔

محکمہ موسمیات کے مطابق طوفانی بارشوں کا حالیہ سلسلہ 14 اگست تک جاری رہنے کا امکان ہے۔