امریکی ڈالر نے ملکی تاریخ کی بلند ترین سطح پر پہنچتے ہی روپے کو مزید بے قدر کردیا۔

اسٹیٹ بینک کے مطابق ڈالر کی قیمت میں دو روپے 92 پیسے اضافے کے بعد انٹر بینک میں امریکی ڈالر 224 روپے 92 پیسے کی بلند ترین سطح پر بند ہوا ہے۔

کاروباری ہفتے کے ابتدائی تین دنوں میں امریکی ڈالر کے بھاؤ میں 13 روپے 97 پیسے کا اضافہ ہوا ہے جب کہ اوپن مارکیٹ میں امریکی کرنسی کی قیمت فروخت 227 روپے ہے۔

گزشتہ روز ڈالر کی قیمت میں چھ روپے 79 پیسے اضافے کے بعد امریکی ڈالر کی قیمت 221 روپے 99 پیسے ہوگئی تھی۔