صادق آباد میں ماچھکہ کے قریب دریائے سندھ میں کشتی اُلٹنے کا واقعہ مزید افسوس ناک موڑ اختیار کر گیا ہے۔

ریسکیو اہلکاروں نے دریائے سندھ سے مزید 16 لاشیں نکال لی ہیں، جس کے بعد واقعے میں جاں بحق افراد کی تعداد 19 ہوگئی ہے۔

اسسٹنٹ کمشنر صادق آباد کا کہنا ہے کہ جاں بحق ہونے والوں میں تمام خواتین ہیں۔

ریسکیو ذرائع نے بتایا کہ کشتی میں 50 سے 70 افراد سوار تھے، فی الحال مزید افراد کی تلاش کے لیے ریسکیو آپریشن جاری ہے۔