پاکستان تحریک انصاف کے چیئرمین عمران خان نے شہباز گل کی گرفتاری کی مذمت کی ہے۔

اپنے ٹوئٹر بیان میں عمران خان نے کہا کہ شہبازگل کی گرفتاری لوگوں میں خوف پیدا کرنے کی کوشش ہے۔

انہوں نے کہا کہ یہ الیکشن چوری کرنے کی کوشش ہے،یہ فاشسٹ ہتھکنڈے نہیں چلیں گے۔

عمران خان نے کہا کہ ہمارے کارکنوں کو ووٹ دینے سے نہیں روکا جاسکتا، ہینڈلرز سمجھیں کہ وہ قوم کا کتنا نقصان کررہے ہیں۔

انہوں نے مزید کہا کہ پنجاب حکومت نے سپریم کورٹ کے حکم کی کھلی خلاف ورزی کی، کھلے عام حکومتی اور ریاستی مشینری استعمال کی گئی۔

ان کا کہنا تھا کہ عدالتیں فوری طور پر کھلیں اور ایکشن لیں۔