لاہور میں ضمنی انتخابات کے معرکے کے حوالے سے پاکستان تحریک انصاف (پی ٹی آئی) کے چیئرمین عمران خان آج لاہور آئیں گے۔

چیئرمین پی ٹی آئی عمران خان کے دورہ لاہور کا حتمی شیڈول جاری کر دیا گیا، ضمنی انتخاب کی مہم چلانے کیلئےآج لاہور آئیں گے،عمران خان ریلی کی صورت میں چاروں حلقوں میں بھی جائیں گے۔

چیئرمین تحریک انصاف پی پی 168 میں آشیانہ روڈ، پی پی 158 گلبرگ میں حالی روڈ ، پی پی 170 میں ابوبکر چوک واپڈا ٹاون اور پی پی 167 کے علاقے عمر چوک میں کارنر میٹنگز سے خطاب کریں گے۔

سابق وزیراعظم عمران خان لاہور میں پارٹی کی صوبائی قیادت سے انتخابی تیاریوں پر بھی بریفنگ لیں گے۔

تحریک انصاف کی قیادت نے دورہ لاہور کے دوران سابق وزیراعظم عمران خان کی سیکیورٹی کیلئے سی سی پی او لاہور کو خط لکھ دیا ہے۔