اسلام آباد ہائی کورٹ نے حج قرعہ اندازی میں نام ہونے کے باوجود لسٹ سے نام نکالے جانے کے خلاف کیس کا فیصلہ جاری کردیا ہے۔

عدالت کے جسٹس بابر ستار نے دو صفحات پر مشتمل حج قرعہ اندازی میں نام کے باوجود لسٹ سے نام نکالنے کے خلاف کیس کا فیصلہ جاری کیا جس کے تحت وزارت مذہبی امور نے درخواست گزار شہریوں کو سرکاری کوٹہ پر حج پر جانے کی اجازت دے دی۔

عدالتی فیصلے کے مطابق ڈپٹی سیکریٹری وزارت مذہبی امور نے عدالت کو بتایا کہ کچھ لوگوں کی لسٹ سے ڈراپ ہونے کے بعد جگہ موجود ہے، مجاز افسر نے بتایا کہ درخواست گزاروں کو ضروری کارروائی کے بعد سرکاری کوٹہ پر حج کی اجازت دی جائے گی۔