سعودی عرب میں پہلی بار بین الاقوامی اوپیرا فیسٹول کا انعقاد کیا گیا جس میں مقامی اور غیر ملکی گلوکاروں نے کلاسیکل موسیقی کے فن کا مظاہرہ کیا۔

سعودی دارالحکومت ریاض میں وزارت ثقافت کے زیر اہتمام جون 18 سے جون 20 تک ہونے والے بین الاقوامی اوپیرا فیسٹیول میں دنیا کے نامور کلاسیکل موسیقی کے گلوکاروں نے شرکت کی۔

ان میں آسٹریلیا کی گلوکارہ ڈینیل ڈی نیس، آرمنیا کے گلوکار جارج ہیکوبین، اور مالٹا سے تعلق رکھنے والے جوزف کالیجا شریک ہیں۔

اس کے علاوہ سعودی گلوکار مصطفی شیرہ بھی پرفارم کر رہے ہیں، جن کو سننے کے لئے سعودی شہریوں سمیت دیگر غیر ملکی بھرپور شرکت کر رہے ہیں۔

ریاض بلیوارڈ سٹی میں منعقدہ اوپیرا فیسٹول میں گلوکاروں کی شاندار پرفارمنس سے شائقین خوب محظوظ ہوئے اور میوزک کی خوبصورت دھنوں کو سن کر خوب داد بھی دی۔

شائقین کا کہنا تھا کہ سعودی عرب میں یہ اپنی نوعیت کا پہلا ایونٹ ہے جس کو خوب پذیرائی ملی رہی ہے۔