سیکیورٹی فورسز کا بلوچستان کے علاقے پاروم میں آپریشن ہوا ہے جس میں چھ مبینہ دہشتگرد مارے گئے ہیں۔

فوج کے میڈیا ونگ انٹر سروسز پبلک رلیشنز کے مطابق آپریشن میں مارے گئے افراد کا تعلق کالعدم تنظیم بی ایل ایف سے ہے۔

آئی ایس پی آر کے بیان میں بتایا گیا ہے کہ سیکیورٹی فورسز نے مبینہ دہشتگردوں کی موجودگی کی اطلاع پر آپریشن کیا ہے۔

بیان میں مزید بتایا گیا ہے کہ مذکورہ مبینہ دہشتگرد سیکیورٹی فورسز پر حملوں میں ملوث تھے۔

“دہشتگردوں کے پاس سے اسلحہ اور گولہ بارود برآمد کیا گیا ہے۔”