اداکارہ انوشکا شرما اپنے اپنی اور ویرات کوہلی کی بیٹی وامیکا کی تصویر پوسٹ کرنے پر نجی پبلیکیشن کے خلاف سخت ردعمل کا اظہار کیا۔

بھارتی میڈیا کے مطابق نجی پبلیکیشن کے انسٹاگرام پوسٹ کا جواب دیتے ہوئے اداکارہ انوشکا نے تبصرہ کیا کہ “ایسا لگتا ہے کہ ٹائم گروپ جانتا ہے کہ بچوں کے لیے ان کے والدین سے بہتر کیا ہے کیونکہ وہ بار بار درخواست کرنے کے باوجود تصاویر کو کلک کرنا اور پوسٹ کرنا نہیں روک سکتے، دوسرے میڈیا ہاؤسز اور پیپرازی سے کچھ سیکھیں”۔

یاد رہے کہ پوسٹ میں وامیکا کی تصویر اس وقت دکھائی گئی جب وہ اپنی والدہ انوشکا اور والد ویرات کوہلی کے ساتھ ساحل سمندر پر حال ہی میں چھٹیوں سے واپس آئی تھیں۔

تاہم انوشکا شرما اور ویرات کوہلی نے اپنی تعطیل کی وضاحت نہیں کی ہے کہ وہ کہاں سیر کے لئے گئےتھے لیکن میڈیا رپورٹس کے مطابق وہ مالدیپ گئے تھے۔