لاہور کی مقامی عدالت نے اشتعال انگیز تقریرکے مقدمے میں مسلم لیگ نون کے رہنما کیپٹن ریٹائرڈ صفدر پر فرد جرم عائد کر دی۔

جوڈیشل مجسٹریٹ نے مسلم لیگ نون کے رہنما کیپٹن ریٹائرڈ صفدر کے خلاف اشتعال انگیز تقریر کیس میں فرد جرم عائد کی۔

کیپٹن صفدر نے صحت جرم سے انکار کردیا، جس پر عدالت نے 10جون کو مقدمے کے گواہوں کو طلب کر لیا ہے۔

کیپٹن ریٹائرڈ صفدر کیخلاف تھانہ اسلام پورہ میں اشتعال انگریز تقاریر کا مقدمہ درج ہے۔

ایف آئی آر کے مطابق کیپٹن ریٹائرڈ صفدر نے سیشن کورٹ پیشی کے موقع پر ملکی اداروں کے خلاف تقریر کی اور لوگوں کو اکسایا۔