لاہور: وزیراعلیٰ پنجاب حمزہ شہباز نے “گولڈن مین” سے وزیراعلیٰ آفس میں ملاقات کی۔

آج نیوز کے مطابق اپنے چہرے اورکپڑوں پر سنہری رنگ کرکے شہریوں کو تفریح فراہم کرنے والےاحسان کاظمی عرف “گولڈن مین” وزیراعلیٰ آفس لاہور پہنچے اور حمزہ شہباز سے ملاقات کی۔

وزیراعلیٰ حمزہ شہباز نے خوشگوار انداز میں گفتگو کرتے ہوئے نوجوان کی محنت کو سراہا اور کہا کہ آپ کی اسپرٹ مجھے پسند آئی ہے۔

ان کا کہنا تھا کہ پنجاب میں جہاں کام کرنا چاہتے ہیں کریں، آپ کو کوئی نہیں روکے گا، انہوں نے کہا کہ آپ جیسےمحنتی نوجوان کی ہر ممکن مدد کریں گے۔

تاہم “گولڈن مین” نے وزیراعلیٰ حمزہ شہباز کو اجرک کا تحفہ بھی پیش کیا۔