چیئرمین پاکستان پیپلز پارٹی (پی پی پی) اور وزیرخارجہ بلاول بھٹو زرداری کی سعودی عرب دورے کے دوران عمرے کی ادائیگی کی تصویر سوشل میڈیا پر وائرل ہوگئی۔

سماجی رابطے کی ویب سائٹ ٹوئٹر پر شبیرشاہ نامی صارف نے بلاول بھٹو کے ہمراہ اپنی عمرے کی ادائیگی کی تصاویرٹوئٹ کیں۔

تاہم شیئر کی گئی تصاویر میں دیکھا سکتا ہے کہ پی پی پی رہنما سید ناصر حیسن شاہ اور سہیل انور سیال خانہ کعبہ کے اندرونی مناظر دیکھنے کی سعادت حاصل کرکے باہر نکل رہے ہیں۔

علاوہ ازیں صارف نے تصایر کے ساتھ کیپشن میں لکھا کہ "شکر الحمدللہ یا رب العالمین، کعبہ شریف کے اندر جانا کتنا ناقابل یقین احساس ہے"۔

مزید لکھا کہ بلاشبہ میری زندگی کا بہترین دن ہے، یااللہ بے شک تو رحیم ہے کریم ہے۔

واضح رہے کہ وزیراعظم شہبازشریف سمیت وزراء اس وقت سعودی عرب کے دورے پر ہیں۔