جامعہ کراچی دھماکے کے بعد بم ڈسپوزل اسکواڈ (بی ڈی ایس) نے رپورٹ تیار کرلی۔

بم ڈسپوزل اسکواڈ کی رپورٹ کے مطابق جامعہ کراچی میں کیے گئے خودکش دھماکے میں تین سے چار کلو بارودی مواد استعمال ہوا جبکہ جائے وقوعہ سے بمبار کے جسمانی اعضا اور برقعے کے حصے بھی حاصل ہوئے ہیں۔

بی ڈی ایس کا کہنا ہے کہ بارودی مواد کے ساتھ اسٹیل بال بیئرنگ استعمال کیے گئے تاہم شواہد اعلی حکام کے حوالے کردیے گئے ہیں۔

دوسری جانب خودکش بمبار نے دوپہر 12 بج کر 10 منٹ پر دوستوں کوسوشل میڈیا پر الواداع کیا اور ٹھیک دو بجے خود کو دھماکے سے اڑا لیا۔