اسلام آباد:سابق وزیرداخلہ اور عوامی مسلم لیگ کے سربراہ شیخ رشید کا کہنا ہے کہ ملک کے حالات گھمبیر، پریشان کن اور تشویشناک ہوتے جارہے ہیں، جن کی عزت کرنا لازم ہے وہ بھی سوالیہ نشان بنتے جارہے ہیں۔

عوامی مسلم لیگ کےسربراہ شیخ رشید نے سماجی رابطے کی ویب سائٹ ٹویٹر پر اپنے پیغام میں لکھا کہ ملک کے حالات گمبھیر، پریشان کن اور تشویشناک ہوتے جا رہے ہیں، وہ لوگ جنہیں جیلوں میں ہونا چاہیئے تھا انہیں اہم عہدوں پر تعینات کیا جا رہا ہے۔

pic.twitter.com/sOooyKozpd

— Sheikh Rashid Ahmed (@ShkhRasheed) April 24, 2022

شیخ رشید نے کہاکہ سب سے پریشان کن بات یہ ہے کہ ملک کیلئے جن کی عزت کرنا لازم ہے وہ بھی سوالیہ نشان بنتے جا رہے ہیں، سامراج کے ایجنٹوں نے اپنے مفاد کےن ک گندی نالی کی اینٹوں کو تاج محل میں سجا دیا ہے۔

سابق وفاقی وزیر شیخ رشید کا مزید کہنا تھا کہ قوم میری بات یاد رکھے کہ عمران خان کی اسلام آباد کیلئے کال دنیا کو حیران کر دے گی اور ایسا زناٹےکا رن پڑے گا کہ پاکستان کی تاریخ کی سب سے کم مدت والی یہ موجودہ حکومت ہو گی۔