کوئٹہ کے نواحی علاقے میں گھر میں گیس لیکج سے دھماکے کے نتیجے میں 8سالہ بچی جاں بحق اور 3 افراد زخمی ہوگئے۔

کوئٹہ میں ہزار گنجی کے علاقے بخاری ٹاون کے قریب واقع گھر میں گیس لیکج کے باعث دھماکا ہوا، جس کے نتیجے میں ایک بچی جاں بحق ہوگئی جبکہ 2 بچوں اور خاتون سمیت 3 افراد جھلس کر زخمی ہوگئے۔

زخمیوں کو سول اسپتال میں ابتدائی طبی امداد دینے کے بعد بی ایم سی اسپتال کے برن واڑد منتقل کر دیا گیا۔

جاں بحق بچی کی عمر 8 سال جبکہ زخمی بچوں کی عمریں ایک سے 6 سال کے درمیان ہیں۔