ڈسکہ سول اسپتال کی ایک ویڈیو وائرل ہونے کے بعد محکمہ صحت کے اہلکار نے انکوائری شروع کرنے کی ہدایت جاری کی ہے۔

آج نیوز رپورٹ کے مطابق آپریشن تھیٹر میں سرجن ڈاکٹر کے بجائے ٹیکنیشن اٹینڈنٹ ایک خاتون کی سرجری کر رہا تھا۔

رپورٹ کے مطابق ٹیکنیشن عاصم نے پورے آپریشن کے دوران بغیر کسی سرجن کے خاتون کی اپینڈکس کی سرجری کی۔

اسپتال انتظامیہ نے واقعے میں ملوث ٹیکنیشن کے خلاف کارروائی کی یقین دہانی کرائی ہے۔