الیکشن کمیشن نے بنوں کی تحصیل ککی میں میئر کے انتخابات کا نتیجہ روک دیا جبکہ الیکشن کمیشن نے فریقین کو نوٹس جاری کرکےیکارڈ بھی طلب کرلیا۔

تفصیلات کے مطابق چیف الیکشن کمشنر کی سربراہی میں 3 رکنی بنچ نے بنوں کی تحصیل ککی میں میئر کے انتخابات سے متعلق کیس کی سماعت کی۔

درخواست گزار کے وکیل حسن جاوید ایڈووکیٹ نے موقف اپنایا کہ تین پریذائڈنگ افسران نے لکھ کر دیا کہ بوکس بیلٹ پیپرز استعمال ہوئے تھے۔

انہوں نے مزید کہا کہ بعض بیلٹ پیپرز پر مہریں بھی جعلی لگی ہوئی تھیں۔

اسی اثنا میں الیکشن کمیشن نے بنوں کی تحصیل ککی میں میئر کے انتخابات کا نتیجہ روک دیا۔ جبکہ الیکشن کمیشن نے جماعت اسلامی،جے یو آئی ،آزاد امیدوار کی درخواست پر حکم جاری کیا۔

الیکشن کمیشن نےفریقین کو نوٹس جاری کرتے ہوئےریکارڈ بھی طلب کرلیا۔

اس کے علاوہ بنوں کی تحصیل ککی میں میئر کی نشست پر پی ٹی آئی کے جنید رشید کامیاب ہوئے تھے ۔