محمد ہریرہ قائد اعظم ٹرافی ٹورنامنٹ میں ٹرپل سنچری اسکور کرکے لیجنڈری بلے باز جاوید میانداد کے بعد فرسٹ کلاس کرکٹ میں پاکستان کے دوسرے کم عمر ترین کھلاڑی بن گئے۔

پی سی بی نے ایک ٹویٹ میں ویڈیو شیئر کرتے ہوئے کہا کہ محمد ہریرہ ٹرپل سنچری کرنے والے پاکستان کے دوسرے کم عمر ترین کھلاڑی بن گئے ہیں۔

سیالکوٹ میں پیدا ہونے والے محمد ہریرہ قائد اعظم ٹرافی ٹورنامنٹ میں ناردرن کی جانب سے کھیل رہے ہیں، انہوں نے کراچی کے اسٹیٹ بینک آف پاکستان اسٹیڈیم میں بلوچستان کیخلاف اپنے فرسٹ کلاس میچ کے تیسرے دن یہ سنگ میل عبور کیا۔

ہریرہ نے ٹرپل سنچری صرف 327 گیندوں میں بنائی اور اب تک ہریرہ نے 9 فرسٹ کلاس مقابلوں میں 2سنچریاں اسکور کی ہیں۔

محمد ہریرہ کم عمر ترین بلے باز ہے جو ٹرپل سنچری بنانے والے بلے بازوں کے منتخب گروپ میں شامل ہوتا ہے۔