وفاقی وزیر داخلہ شیخ رشید احمد نے کہتے ہیں ملک میں انتشار اور بے چینی پھیلانے کے خواہاں عناصر کو اپنے منصوبوں میں ناکامی کا منہ دیکھنا پڑے گا۔

لاہورکےعلاقےجوہر ٹاؤن میں گزشتہ روز ہونے والے بم دھماکے سے متعلق ویڈیو بیان میں انہوں نے کہا کہ افغانستان کے ساتھ سرحد پر 86 فیصد اور ایران کے ساتھ سرحد پر 46 فیصد علاقے میں باڑ لگائی جاچکی ہے۔

انہوں نے کہا کہ حکومت نے سیاسی اور اقتصادی استحکام حاصل کرلیا ہے اور یہ دشمنوں کےلئے قابل قبول نہیں ہے اس لئے وہ اس طرح کی تخریبی کارروائیاں کرتے ہیں. تاہم وہ اپنے عزائم میں کامیاب نہیں ہوں گے۔

شیخ رشید نے کہا کہ جوہر ٹاؤن دھماکے کی تحقیقات کے سلسلے میں پنجاب پولیس کو شاندار کامیابی حاصل ہوئی ہے۔

ریڈیو پاکستان