وفاقی وزیر داخلہ شیخ رشید احمدکہتےہیں تمام معاشی اعشاریےمثبت ہونے کا مطلب ہے پاکستانی معیشت اب 'ٹیک آف' کرچکی، اگلے دو سالوں میں ترقی کی یہ شرح انشاء للہ مزید بڑھے گی۔اپوزیشن کی تنقید کا مطلب سیاسی انتشار اور عدم استحکام پیدا کرنا ہے۔

شیخ رشید کا کہنا تھا کہ کورونا وباء اور نامسائد بین الاقوامی معاشی حالات کے باوجود پاکستانی معیشت کا 4 فیصد گروتھ ریٹ وزیر اعظم عمران خان اور ان کی معاشی ٹیم کی غیر معمولی کارکردگی کا مظہرہے۔اپوزیشن کی معاشی ترقی پر تنقید کا مطلب ملک میں محض سیاسی انتشار اور عدم استحکام پیدا کرنا ہے۔اپوزیشن کو ڈر ہے کہ عمران خان اگلے الیکشن میں مزید کامیابیاں حاصل کرے گا۔

انہوں نےکہا کہ اپوزیشن کی سیاسی دکان اب بند ہو چکی۔حکومت کے آیندہ بجٹ میں غریب طبقے بالخصوص تنخواہ دار اور سفید پوش طبقے کےلئے مراعات رکھی جائینگی۔