لاہور: احتساب عدالت نے پنجاب اسمبلی میں قائد حزب اختلاف حمزہ شہباز کی حاضری معافی کی درخواست منظور کرلی۔

لاہور کی احتساب عدالت کے ڈیوٹی جج شیخ سجاد احمد نے شہباز شریف فیملی کیخلاف منی لانڈرنگ کیس کی سماعت کی۔

عدالت نے ملزمان کی حاضری مکمل کی جبکہ جیل حکام نے شہباز شریف کے جیل وارنٹ پیش کئے۔

حمزہ شہباز کی حاضری معافی کی درخواست عدالت میں جمع کروائی گئی جس میں مؤقف اختیار کیا گیا کہ حمزہ شہباز کی کمر میں شدید درد ہے، ڈاکٹرز نے انہیں آرام کا مشورہ دیا ہے۔

عدالت نے حاضری معافی کی درخواست منظور کرتے ہوئے کیس کی سماعت 4مئی تک ملتوی کردی۔