لاہور ہاٸی کورٹ نے آمدن سے زائد اثاثہ جات کیس میں مسلم لیگ نون کے رہنما رانا ثنا اللہ کی عبوری ضمانت میں کل تک توسیع کردی۔

جسٹس سرفراز ڈوگر کی سربراہی میں لاہور ہائیکورٹ کے دو رکنی بنچ نے کیس کی سماعت کی۔ لیگی رہنما رانا ثنا اللہ عدالت کے روبرو پیش ہوئے۔

نیب پراسیکیوٹر نے عدالت سے استدعا کی کہ پراسیکیوٹر فیصل بخاری بیمار ہیں، کیس کی سماعت ملتوی کردی جائے۔ نیب پراسیکیوٹر نے موقف اختیار کیا کہ اس کیس سے متعلق تمام معلومات پراسیکیوٹر فیصل بخاری کے پاس ہیں، آئندہ ہفتے میں کوئی روز سماعت کے لیے رکھ لیں۔

عدالت نے ریمارکس دیئے کہ سماعت کل کر لیتے ہیں آپ فائل پڑھ کر آئیں جس کے بعد سماعت ملتوی کردی گئی۔