پنجاب میں کورونا کیسز میں مسلسل اضافے کا سلسلہ جاری ہے۔ لاہور میں زیادہ کورونا کیسز کے پیش نظر تعلیمی اداروں میں پچاس فیصد حاضری کے احکامات پر عمل بھی نہ ہوسکا والدین پر تاحال خوف کی فضا چھائی ہے۔

کورونا وائرس کا خطرہ ابھی ٹلا نہیں، پنجاب کے سات شہروں میں پچاس فیصد طلبہ کی حاضری کے حکم نامے کے باوجود مکمل طور پر عملدرآمد نہ ہوسکا۔

سکولوں کے باہر والدین چھوٹے بچوں سے متعلق کافی زیادہ ڈرے ہوئے ہیں۔

یونیورسٹی لیول ہو یا پھر پلے گروپ، تمام تعلمی اداروں میں مکمل طور پر ایس اوپی پر عمل بھی نہیں کیا جارہا۔ طلبہ بھی ماسک اور سماجی فاصلوں کو نظر انداز کرتے دیکھائی دیتے ہیں۔

محکمہ تعلیم کے احکامات کے بعد اب تک ایس اوپی کی خلاف ورزیوں پر صوبے میں پچاس سے زائد سکولوں کو نوٹس ہوا جبکہ تین سکولوں کو پچاس فیصد حاضری کے احکامات پر عمل نہ کرنے کے باعث شوکاذ نوٹس بھی جاری کیاجاچکا ہے۔