افغانستان کی حزب وحدت کے رہنما کریم خلیلی وفد کے ہمراہ کل سے پاکستان کا تین روزہ دورہ کریں گے۔ ترجمان دفترخارجہ کا کہنا ہے کہ دورہ کے دوران کریم خلیلی وزیراعظم عمران خان،وزیر خارجہ شاہ محمود،اسپیکر قومی اسمبلی اسد قیصرسمیت دیگرحکام سے ملاقاتیں کریں گے۔

افغانستان کی حزب وحدت کے رہنما کریم خلیلی کل تین روزہ دورے پرپاکستان پہنچیں گے۔

ترجمان دفترخارجہ کے مطابق حزب وحدت افغانستان کے سربراہ کریم خلیلی کل سے وفد کے ہمراہ پاکستان کا تین روزہ دورہ کریں گے اوراپنے دورہ کے دوران وہ وزیراعظم عمران خان،وزیرخارجہ شاہ محمود،اسپیکر قومی اسمبلی اسد قیصر سمیت دیگرحکام سے ملاقاتیں کریں گے۔کریم خلیلی کا دورہ، پاکستان کی افغان سیاسی قیادت سے رابطوں کی پالیسی کا حصہ ہے۔

ترجمان دفترخارجہ نے کہا کہ اس پالیسی کامقصد افغان امن عمل کےلئے مشترکہ سوچ سازی اورعوامی سطح کے رابطوں کو مظبوط بنانا ہے۔پاکستان کے افغانستان سے دیرینہ تاریخی، مذہبی، ثقافتی اور روایتی تعلقات ہیں پاکستان افغان عوام کی خوشحالی امن اور استحکام کے لیے تمام کوشیشوں کی حمایت کرتا ہے۔